تذكرنــي
التسجيل التعليمـــات قائمة الأعضاء التقويم البحث مشاركات اليوم اجعل كافة الأقسام مقروءة
الملتقى الفنى

  الملتقى الفنى > أقسام الهواتف الذكية Smart Phone > قسم أخبار الهواتف و شروحات الأندرويد Android System

اضافة رد

 
أدوات الموضوع إبحث في الموضوع انواع عرض الموضوع

قديم 01-18-2020, 04:20 PM رقم المشاركة : ( 1 )
AhMeD MaHeR
وقل رب زدني علما

الصورة الرمزية AhMeD MaHeR





افتراضي مقارنة بين كروت الميموري - الفرق بين كروت الميموري class و الاحجام والانواع

مقارنة بين كروت الميموري - الفرق بين كروت الميموري class و الاحجام والانواع

كتير مننا لما بيروحوا يشتروا ذاكرة خارجية (Memory card) بيروح على إنه هيجيب ميمورى كذا جيجا
أو ممكن حتى يروح يشترى ميمورى "فى حدود سعر معين "
و لذلك بيكون همه إنه يشترى أكبر سعة بأقل سعر بيهمل حاجتين مهمين جدا مكتوبين على علبة الميمورى جنب السعر
هتلاقى كلمة Class 4 أو Class 10 (واحدة بس منهم)
و هتلاقى كمان مكتوب جنب الـ Class كلمة SD أو SD HC أو SD XC



اضغط على الصورة لرؤيتها بالحجم الطبيعي


و حتى لو لفت نظره ممكن ياخد باله من الـClass بتاع الميمورى و بالتالى هيسأل البياع عن معنى الـClass
وصاحب المحل يقنعه إن كلاس 10 دا قديم وحاجه ضعيفه يقولو الكلاس 4 دا حاجه سريعه جداً وحديثه طبعاً .. وهكذا من الاشتغلات
أو يدفع دم قلبه فى ميمورى 64 جيجا و يحطه فى موبايل سامسونج جالاكسى بوكيت و يكتشف انه مبيشتغلش
و لأن الميمورى أغلى من الموبايل بيحتار يرمى إيه فيهم


علشان ماتتحطش فى موقف من المواقف دى شوف الكلمتين دول
أولا: يعنى إيه "Class" أو "فئة" الميموري ؟
الشركات المصنعة لأي حاجة لتخزين البيانات (سواء ميموري أو هارد أو حتى فلاشة) بتعمل حد أدنى للسرعة اللى البيانات بتتكتب أو تتقرأ من على الميموري
الـ Class دا بقى باختصار شديد عبارة عن سرعة الكتابة على الميمورى كارد بوحدة MB/s أو ميجا بايت/ ثانية
يعنى Class 4 مثلا بتكتب بسرعة 4 ميجابايت / ثانية (يعنى لو عاوز تحط عليها ملف 8 ميجا هياخد ثانيتين علشان يكتبها)
أما Class 10 فبيكتب بسرعة حوالي 10 ميجابايت / ثانية (و أحيانا أكتر من كدة شوية) .. يعنى نفس الفايل الـ 8 ميجا بيتكتب عليها فى أجزاء من الثانية

يبقى كدة احنا استنتجنا ان Class 10 أسرع فى الكتابة و القراءة عن Class 4
طيب ليه الشركات بتنتج كروت ميمورى Class 4 أصلا؟!
فى موبايلات و أجهزة كتير قديمة أقصى سرعة بتدعمها هى 2MB/S أو 4MB/s "كحد أقصى" لأن باختصار الأجهزة دى أيام ما نزلت كانت السرعة دى كافية جدا لاحتياجاتها فى الوقت دة أيام الكاميرات الـ 2 ميجا و الـ 5 ميجا بيكسل
كمان تكلفة تصنيع الميمورى اللى الـ Class بتاعه قليل بيكوم أرخص من Class 10

طيب لو أنا موبايلى جديد و اتدبست فى ميمورى كلاس 4.. هل فى ضرر على الموبايل أو الميمورى؟
إطلاقا مفيش ضرر على الموبايل أو الميموري خالص و دا لأن الميموري بيكتب بسرعة ثابتة و الموبايل بيظبط نفسه على كدة
ممكن تلاحظ بطء فى الموبايل لما بتنفل بيانات للميمورى أو تقرأ من عليها ملفات كبيرة
زي مثلا انك تصور صور كتير ورا بعض بالكاميرا و يكون الدقة بتاعتهم عالية
أو إنك تصور أو تشغل فيديو HD أو أعلى متخزن على الميموري أو إنك تفتح الـGallery لو عليه حاجات كتير هتلاقى الموبايل جاله تشنج


تانى نقطة فى هذا البوست الطويل العريض هو معنى SD و SD HC و SD XC
كروت الميمورى بتكون متقسمة فئات من حيث السعة (بالإضافة للـ Class بتاع السرعة طبعا)
عندنا 3 فئات رئيسية لسعة الميموري كارد و هما:
SD >> Secure Digital cards
SD HC >> Secure Digital High Capacity
SD XC >> Secure Digital Extended Capacity

إيه الفرق بين الـ3 أنواع دول ؟
- النوع الأول "SD" و هو أقلهم من حيث السعة، و بتشتغل على أي موبايل تقريبا أيام النوكيا 6120 اللى كان بيشتغل بميمورى 2 جيجا
و دا سعته بتتراوح ما بين 128 ميجا بايت لغاية 2 جيجا

- أما النوع التانى "SD HC" (أو عالية السعة) فبيمتاز بإنه متوسط السعة (من 4 جيجا بايت لغاية 32 جيجا بايت) و مدعوم من معظم الأجهزة الذكية الجديدة الموجودة دلوقتى، لكن طبعا متشتغلش على الـ6120 النوكيا



- النوع التالت و الأخير هو "SD XC" (أو فائقة السعة) بيمتاز بإن سعته كبيرة جدا، و السعة دى بتتراوح ما بين 64 جيجا بايت لغاية 2 تيرا بايت يعنى 2000 جيجا ،، لك ان تتخيل !!
طبعا العيب الأكبر للنوع التالت (XC) هو إنه مدعوم من أجهزة قليلة، غالبا أجهزة رائدة زي النوت 4 و الـS7 (زي الكاميرات اللى بتصور 4K مثلا) و دا بغض النظر طبعا عن سعر الكروت دى الغاليه جداااااااااا

- طيب إيه المشكلة لو اشتريت ميمورى بسعة كبيرة و حطيته فى موبايل قديم أو موبايل مبيدعموش؟

ولا حاجة .. الموبايل مش هيشوف الميمورى أصلا!

التوقيع
Mr. Ahmed Maher
Job Description: IT Specialist
E-Mail: a_mega2@yahoo.com
E-Mail: aahmedd60@gmail.com
Facebook: facebook.com/ahmed.maher.hd
Phone: 01124126478 - 01012238033

الحمدلله رب العالمين ..
AhMeD MaHeR غير متواجد حالياً رد مع اقتباس

اضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الفرق بين Home Basic - Home Premium - Professional - Ultimate - Enterprise فى نسخة ويندوز السفن AhMeD MaHeR قسم شروحات وتعليم أنظمة التشغيل Windows 0 09-21-2019 10:44 PM

RSS RSS 2.0 XML MAP HTML

جميع المشاركات الموجودة بالمنتدى تعبر عن صاحبها وليست الاداره


الساعة الآن 10:15 PM