تذكرنــي
التسجيل التعليمـــات قائمة الأعضاء التقويم البحث مشاركات اليوم اجعل كافة الأقسام مقروءة
الملتقى الفنى

  الملتقى الفنى > :: الاقسام العامة :: > المنتدى الاسلامى العام

اضافة رد

 
أدوات الموضوع إبحث في الموضوع انواع عرض الموضوع

قديم 06-29-2019, 11:43 AM رقم المشاركة : ( 1 )
AhMeD MaHeR
وقل رب زدني علما

الصورة الرمزية AhMeD MaHeR





افتراضي قصة الدكتور حسام موافي مع الشيخ الشعراوى جبر الخواطر مع الدكتور حسام موافي

الدكتور حسام موافي بيقول أنه في مَره إتصل عليه الشيخ الشعراوي رحمه الله بيحجز عنده علشان يروحله العيادة ويكشف
الدكتور حُسام اتكسف منه وقاله : لا والله يامولانا أنا اللي هاجيلك لحد بيتك ..
وبالفعل راح للشيخ ..
الدكتور حسام كشف على الشيخ و اطمن على صحته...
بعد الكشف سأله الدكتور حسام:
"ايه يامولانا أفضل عبادة أعملها تقربني من ربنا سُبحانه وتعالي، خصوصًا إني في أواخر عُمري؟"
الشيخ قاله: خَمن أنت يا دكتور حُسام ايه أفضل عبادة ؟!!
الدكتور حُسام قاله: الصلاة؟
الشيخ قاله لا ..
قاله طيب الصيام؟ قاله لا ..
قاله العُمرة ؟ قاله لا...
ورد الشيخ عليه وقاله أفضل عبادة هي:
"جبر الخاطر"
قاله ازاي ده يامولانا؟!!
دليلك ايه ع الكلام دا يا مولانا؟
فرد عليه الشيخ وقال له:
"من ألعن من الذي يكذب بالدين؟!"
يعني من ألعن من شخص بيقول مفيش ربنا ولا في رسول والعياذ بالله؟
قاله فعلا يامولانا مافيش اصعب من كدا !!
رد الشيخ وقاله ربنا بيقول : أرأيت الذي يُكذب بالدين ؟!
شايف اللي بيكذب بالدين بيعمل ايه؟
"فذلك الذي يدُع اليتيم" يعني بيكسر خاطر اليتيم ..
ولا يحُض على طعام المسكين"
يعني بيطرد المساكين ومبيأكلهمش ومبيجبرش خاطرهم !
تالت حاجه ايه بقي؟
قال:
"فويل للمصلين"
اذا تالت حاجة قالها الصلاة ! ..
يعني أول حاجتين ربنا ذكرهم هما:
جبر الخاطر والتالتة الصلاة ! ..
الدكتور حُسام بيقول خدت النصيحة بتاعت الشيخ في بالي و اتوكلت على الله روحت...
تاني يوم كان اجازتي .. وفي هذا اليوم أنا متعود أنزل يوم اجازتي اشتري شوية حاجات لمراتي.... الخُضار واللحمة والذي منه....
وبيته في ٦ أكتوبر وهو كان بيشتري الحاجات من وسط البلد....
وهو مروح افتكر مكالمة تليفون كانت جياله من جاره بيقوله:
"جبر خاطر يا دكتور ابقى عدي علي حماتي راقده عندك في المستشفي مريضة .. اطمن عليها وطمنا"
قال افتكرت نصيحة الشيخ "اجبر خاطرًا " !
وجاري قالي جبر خاطر....
فحسيت انها رسالة من ربنا ومبعوتالي!
بالفعل قررت أعدي على المستشفي اللي بيشتغل فيها علشان أجبر خاطر جاري ورحت لحماته في المستشفي...
فجأة جالي وجع شديد في صدري و أنا في المُستشفى وأخذت الدوا بعدها بدقيقتن لأني عرفت إن جالي جلطة في شُريان القلب، فندهت ع الدكتور قولتله اديلي دوا كذا .. وفورًا اداني الدوا ..
الجلطة دي لو كانت جاتلي و أنا بعيد عن المُستشفي أو روحت وطنشت جاري كنت موت فورًا لأن أقوى إنسان في الدُنيا لو جاتله جلطة في الشريان التاجي هيموت بعدها ب ٥ دقايق لو مخدش الدُعامة!
فسُبحان الله وكأن ربنا بيقولي جبرت بخاطر جارك وخدت بالنصيحة .. جبرت انا بخاطرك وانقذت حياتك ! )
- العبادات عامله زي الابواب " الصلاه باب .. الصيام باب .. جبر الخواطر باب ..
خلي باب مفتوح بينك وبين ربنا .. متعرفش هتدخل من انهي باب الجنه ..

التوقيع
الحمدلله رب العالمين ..
AhMeD MaHeR غير متواجد حالياً رد مع اقتباس

اضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

RSS RSS 2.0 XML MAP HTML

جميع المشاركات الموجودة بالمنتدى تعبر عن صاحبها وليست الاداره


الساعة الآن 02:44 AM